وطلعت الفصل وياريتنى ماكونت طلعت
اول مادخلت الفصل لقيت حاجة غريبه البنات قامو وقفو وهما بيبصولى بصه حلوة اوى ومبتسمين فانا استغربت وقولت فى بالى والله المدرسين ظلمنهم العيال محترمين اوى
وسلمت عليهم وردو السلام وقاعدو
قولتلهم انا مدرسه الكمبيوتر الجديدة لقيت تريئه حلوة اوى من كل واحدة فيهم
ترد واحدة وشكلها هى الرئيسه بيتاعتهم يعنى وتقولى ودة من ايه ده يا ميس
بصيت لها وقولتلها هو ايه ده
قالتلى الى انتى فيه
قولتلها الى هو ايه
قالتى الكمبيوتر
قالتلها نعم يا اختى وهو ده ليه سبب
قالتلى اة طبعا هو انتى متعرفيش ياعينى
وسكتت وانا عماله اقولها يابنتى ايه الى انتى بتقوليه ده
وهى تبوصلى وتسكت (كانى بكلمهم عن مرض معدى)
قولتلهم المهم
ردت بنت وقالتلى ام هند اة مالها بقه
قولتلها ام هند مين يابت هو حد جاب سيرة ام هند ولا حتى هند
ترد بنت تانيه وتقولى ماعلينا كملى
(بصراحة البت غاظتنى)
روحت قلبت عليهم بقه وشى وزعقتلهم وقولت فى ايه يا خفيفه منك ليها الى تتكلم معايا تتكلم بادبها (وانا من جوايا بتنفض وخايفه منهم اصل الكترة تغلب بارضو)
والاقى العيال ولا كانى اتكلمت وكلهم يبصولى بقرف ويدورو وشهم
قولت اعيدهالهم
قولت بقه اما اتعرف عليهم
بس الى انا لاحظتو ان فيه شله بنات حوالى 8 بنات هما الى شايفين نفسهم اوى ومنهم 5 باين عليهم انهم صحاب جدا
قولت ابتدى بيهم وسالتهم عن اساميهم وكانت الاسامى اغرب منهم
اول بنت
انتى اسمك ايه
انا
اة انتى
لا بصى كويس يا ميس انا
قولتلها ايوة يا حبيبتى انتى
قالتلى اااااااااة انا طيب عايزة ايه بقه
قولتلها اسمك ايه
قالتلى اسمى
قولتلها اة
قالتلى هما بيقولو انى اسمى هبه بس انتى ممكن تقوليلى يا عاليليلى
قولتلها مين يا اختى قالتلى عاليلى ياميس
قولتلها وده مين بقه انشاء الله
قالتلى دة اسمى متشغليش باللك بلتفاصيل
اما بقه تانى بنت
قولتلها انتى اسمك ايه
قالتلى مش فاكرة
قولتلها مش فاكرة ايه احنا هنستظرف
قالتلى انتى مش مصادقة ولا ايه يا ميس انا مش فاكراه ربنا يكفيكى شر الزهايمر
قولتلها اخلصى يابت وقولى اسمك ايه
هو يا عنى يا اما امنيه بس مانصحكيش انك تنادينى بيه لانك لو ناديتى لتانى يوم مش هرد
او سوكة وانا افضل الاسم دة
قلتلها سوكة ؟
قالتلى اه ومتساليش ليه متشغليش بالك بلتفاصيل
اما تالت بنت
سالتها وانتى بقه اسمك ايه
قالتلى ليه
قولتلها هو ايه الى ليه
قالتلى عايزة تعرفى ليه
قولتها اصلى هاجى اخطبك اخلصى يابت
قالتلى يا ميس دى حاجة شخصيه
قولتلها ايه هى الى حاجة شخصيه
قالتلى اسمى
قولتلها لا ونبى
قالتلى ايوة ممتكات شخصيه مش عاميه يعنى بعنى ان مش كل من هب ودب يعرف اسمى
ولو همك تعرفى اوى فانا اسمى مى
قولتلها ماكنتى تقولى من بادرى
قالتلى لالالالالالا اسمى منة
قولتلها طيب يا منة
قالتلى جواب نهائى اسمى بسنت
قولتلها دة اخر اسم ولا فى تانى
قعدت تفكر واخيرا ردت وقالتلى لا دة اخر اسم
اما الرابعه بقه فقولتلها انتى اسمك ايه قالتلى انا قولتلها اة
ردت بنت وقالتلى امانى
قولتلها انتى اسمك امانى قالتلى انا ابدا
قولتلها اومال اسمك ايه
قالتلى انا قولتلها اة
قالتلى هو يعنى يا ما فتحيه يا محاسن يا فتكات اى حاجة تيجى معاكى قوليها
قولتلها نعم يا اختى مين الاسامى دول
قالتلى اساميه يا ميس نقى الى يعجبك وانا هعمللك ديسكوند
قولتها هو انا واقفه فى محل هدوم ايه الى انتى بتقوليه ده
قالتلى خلاص متزعليش نفسك اسمى امانى زى ما المزغودة دى قالت
قولتلها مزغودة ؟طيب
اما اخربنت كانت رقم خامسه فى شله الهباب دول
قولتلها وانتى اسمك ايه
قالتلى سااااااااااااسووووووو
قولتلها مين ساسو؟
قالتلى اة
قولتلها ودة لوحدك ولا معاكى حد
قالتلى لا معايا الاربع بنات الى انتى شايفهم دول
(ويا اخونا البنت بتكلمنى وروحها فى مناخيرها)
قولتلها لا ونبى واسمك فى شهادة الميلاد ايه ساسو بارضو
قالتلى لا اسمى فى شهادة الميلاد
اسمى فى شهادة الميلاد
اسمى فى شهادة الميلاد
ونبى مانا فاكرة بس انا اخر مرة سالت عليه كان ايمان
ينفع معاكى يا ميس
والله مش عاجبك اغيرهوللك انتى تامرى
قولتلها لا ونبى طب اسكتى بقه
ودول كانو اهم خمس بنات فى الفصل كله
العاليلى
سوكة
بسنت
امانى
ساسو
اما باقى الفصل فهو مقدور عليه وكملت التعارف
والحكايه كلها هتدور على الخمس بنات دول
وخلصت حلقتى النهاردة
استنونى الحلقه الجايه
وصدقونى الى جاى احلى من الى فات
