يوميات مدرسه اجن من الطلبه

ههههـ حلوهـ بتاعت ريا وسكينه

يس والله ربنا يكون فى عونك ..وكويس انك مش بتستسلمي بسهولهـ

.
.

كم انا متشوقه ل ارى الحلقه القادمه

انتظر جديدك ياقمر

تسلمي

أول حصة ( تعارف )

انا أول ما دخلت توقعت ان كلهم يقوموا يقفوا
( العادى يعنى على اساس انى الميس )

بس مين فضلوا قاعدين زى ما هما

فقولت أقولهم كلمة يمكن ياخدوا بالهم منى

فقلت لهم سلاموا عليكم

ففيه واحد و لا اتنين و الله ما انا فاكره ( ربنا يكفيكوا شر الزهايمر ) اللى ردوا عليا بس و هما قاعدين مطرحهم ما حدش هان عليه يقوم يقف

بس ما سكتش بقا و الشر ابتدا

قولتلهم فى ايه يا سنه زفت هو انا جايه اشتغل فى مدرسة مشلولين

قوم يا شحط انت و هو اقف

و انا من جوايا باترعش و خايفه من رد فعلهم


و العيال فى محاوله لجس النبض فيهم اللى و قف و فيهم اللى ما وقفش


المهم قولت بلاش اعملها حكاية و الطيب احسن برضه


فقولت لهم الناس المحترمة اللى وقفت كل سنه و هما طيبين


و الكلمة تقريبا حركت كام واحد ابن ناس كده فالعدد زاد كام واحد


و كلهم راحوا ردوا و حضرتك طيبة


فقلت لهم اتفضلوا اقعدوا و قولت اقدم نفسى بقى فقلت لهم انا مدرسة الكمبيوتر الجديدة و ان شاء الله هاديكم السنة دى


فكام واحد رزل كده فى نفس واحد هيييييييييييييييييييييييييه


المهم فوت و قولت اهو ترحيب برضة احسن ما كانوا قالوا ييييييييييييييييييييه

قولت لهم عايزه بقى اتعرف عليكم واحد واحد بالدور كده يقولى اسمه ايه طبعا و انا بابتسم ابتسامه صفرا ( أعمل ايه العيال شكلها يخض )

فابتدوا يردوا اللى يقول اسمه و اللى يقول اسم الدلع

وواحد قاللى أول ما اروح هابقى اسألك ماما هى كانت قالته لى الصبح بس نسيته

فروحت مطلعه له الموبايل و أنا رافعه حاجبى اليمين عند منبت شعرى تقريباً و قلت له طب ما تتصل بيها تسألها يا حبيبى أحسن

و واحد قاللى محمد

فقلت له ماشى يا محمد


فقاللى لأ ده اسم ابن خالتى انا بقى على

و واحد رزل قاللى مش فاكر ثانيه واحده اشوفهولك فى القايمه

و التانى قاللى أخ نسيته هاطلع الكشكول اشوفه أصل ماما بتكتبه لى على التيكيت

فقلت له لأ يا ظريف خليها تبقى تكتبه لك على القميص المره الجايه

و واحد قاللى انا بقى ما اعرفوش اصل احنا كتير فى البيت و طول اليوم ماما بتنده فباتلخبط بس هو العموم يا محمود يا مصطفى يا احمد يا اما منى أو مروة مش عارف و الله

و واحد قاللى ولا يا عمرو هو انا اسمى ايه

فقلت له يعنى عمرو عارف اسمك و انت لأ و بعدين انت فاكر اسم عمرو و اسمك لأ

فقالى أه أصله صاحبى و بعدين ما هو بيندهلى على طول فأكيد عارفه


و التانى قاللى اسمى زفت بابا ما بيقوليش غير كده فى البيت



و واحد قاللى هو حاجة عبد الله

فقلت له يعنى فاكراسم ابوك ومش فاكر اسمك

فقاللى استغفر الله العظيم يعنى عايزانى ما افتكرش اسم الراجل اللى خيره عليا و بأكلنى و بيشربنى عايزانى أبقى ابن جاحد يا ميس حرام عليكى و الله


والتانى قاللى لأ اصل انا ساقط قيد و ما عنديش شهادة ميلاد بس المهم انتى اسمك ايه

فقلت له ثانية واحده كده يا ابنى اصل انتوا شككتونى فى نفسى و روحت مطلعة البطاقة و قريت لهم اسمى منها فقعدوا يضحكوا و ضحكت معاهم طبعاً

و الحصة كلها خلصت فى التعارف لغاية ما الجرس ضرب

انتظرونى فى الحصة القادمة

والله كويس انك عرفتى تتصرفى معاهم

دول يجننوا والله

ربنا معاكى


انتظر الحلقه القادمهـ
^_^

فصل البنات

بعد ما نزلت من فصل المعاتيه ده قولت ابص فى الجدول فلقيت الحصة الجاية فى 3/2

فقولت لهم و 3/2 ده بقى فصل بنات و لا صبيان

فقالوا لى لأ بقى اطمنى ده فصل بنات

فقلت الحمد لله

و قعدت أغنى بينى و بين نفسى لحسن يقولوا عليا مجنونة

البنات البنات الطف الكائنات

و طلعت الحصة وانا كلى أمل

و أول ما دخلت الفصل لقيت برضة نظرات غريبة

بس المرة دى النظرات بقت نظرات فحص من فوق لتحت زى ما تكون كل واحدة فيهم حما و هاتجوزنى ابنها

المهم ابتسمت لهم و استنيت انهم يقفوا

بس فضلوا قاعدين و متنحين زى الكبب

قولت مش مشكلة و دول برضه بنات و دخلة الشلل و قوم فز مش هاتنفع معاهم

فقلت لهم كل سنة و انتوا طيبين

فردوا بس من غير نفس و انتى طيبة

فقلت لهم انا مدرسة الكمبيوتر الجديدة

فقامت واحدة و قالت لى ليه

فقلت لها هو ايه اللى ليه يا حبيبتى

قالت لى ليه حضرتك اللى هاتدينا امال فين ميس رباب

قلت لها مشيت

راحت فين

الله اما طولك يا روح

قولت لها ما اعرفش راحت فين

فقامت واحده تانية و قالت لى يعنى سابت المدرسة

فقلت لها اه

فقالت لى احسن دى كانت رخمة

فقلت لها بلاش نجيب فى سيرة حد خلينا فى نفسنا

فقالت لى على رأيك يا ميس هو حضرتك متجوزة

و البت عينها على ايدى و شايفه كويس ان مافيهاش دبلة بس رخامة بقى

فقلت لها لأ يا حبيبتى

فقامت واحده تانية رخمة و قالت لى طب عندك ولاد يا ميس

قلت لها لأ أصل الافندى بتاعى عايزنا نأجل كام سنه يا حبيبتى

فسمعت بت رذله و هى بتقول ههها

فقلت أكبر دماغى بدل ما اجيبها من شعرها

و عملت نفسى ما سمعتش حاجه

و حبيت ابتدى معاهم فى المنهج بقا

و قلت لهم احنا السنه دى هاناخد برمجة ان شاء الله

لقيت النظرات كلها قلبت على تخلف عقلى كده و الشفايف التحتانية دلدلت و بقى شكلهم اهطل من بعض


فقلت لهم ايه يا جماعة بقول برمجة Visual basic يعنى

فقالوا لى هه

يا دى النيله على طقم العبط اللى وقعت وسطيه

يا بنتى انتى و هى البرنامج سهل و الله و ان شاء الله هنعمل بيه حاجات لذيذه جداً

و الله ما انا عارفه بضحك عليهم و لا على نفسى


ما هو الصراحة بقى دى مش خلق برمجة و لا خلق كمبيوتر حتى

الله يخرب بيت التدريس و اليوم الاسود اللى درست فيه

الله يسامحك يا قاسم يا امين ما كان زمانى قاعده فى البيت كافيه خيرى شرى و ما كنتش شوفت العاهات دى

المهم حاولت معاهم يمين شمال انهم يفهموا بس الحمد لله فى الأخر فهموا

أو هما حاولوا يوهمونى بكده عشان ما ارغيش اكتر من كده و يخلصوا منى



بس الحمد لله خلصت الحصة على خير قبل ما اخنق لىواحده منهم و لا اتنين

انتظرونى فى الحلقه القادمه

ههههههههه


انتى صبورهـ اوى ربنا معاكى

انتظر الحلقه القادمه ياقمر

أول ما دخلت الحصة ما بقيتش اهتم مين واقف و مين قاعد خلاص بقى
دخلت رميت الكتاب و الكشكول اللى فى ايدى على الديسك الأول و صبرت دقيقتين على ما يسكتوا
و بعد كده لقيت عيلين افتكروا يقفوا
قلت لهم اترزع ياد انت و هو
طب يا ميس مش هاتسلمى علينا
لهم اسلم على مين خسارة فيكوا السلام أسلم عليكم على ايه جاتكم ستين خيبة
و ابتديت اكتب الدرس و طبعاً كالعاده السؤال الممل هو الدرس طويل يا ميس
فبصيت لهم و قلت لهم بصوا بقى فى يومكم الاسود ده اللى عايز يتنيل يكتب يكتب و اللى مش عايز ان شا الله عنه ما كتب انتوا فاهمين
و كملت كتابه
و فجأه سمعت صوت أه يا ايدى لا يا ميس مش قادر اكتب اكتر من كده
روحت رايحه له و مسكت ايده
و قلت له ايدك دى اللى بتوجعك يا سوسو وريهالى كده يا حلوه
و قمت تانيه له صوابعه لحد ما صرخ
و رجعت اكتب
لقيت واحد بينده يا ميس ماعييش كراسه
خلاص ما تكتبش
طب و افهم ازاى
اكتب فى ورقة
ما انا معايش ورقة حتى
قلت له خلاص خد كشكول حد و انقل الدرس
هانقله فين أصل انا ما عنديش كشكول فى البيت
خلاص خلى ابوك يعمل جمعية و يبقى يقبضها الاول و ادفع مقدم كشكول
ورجعت تانى اكمل كتابه لحد ما خلصت
و جيت اشرح يا مؤمنين و دول ركبهم العفريت كلام و هزار و استظراف
و انا عماله يا ابنى بس انت و هو يا حبيبى خلاص الله اما طولك يا روح
روحت قاعده لهم على الديسك
و قلت لهم شكلكم مش عايزين الدرس مش كده خلاص بلاش منه
راح قام لى واد قاللى بس انا عايز افهم يا ميس
قلت له حاضر يا حبيبى عايز تفهم ايه
قالى الدرس
فقلفت لهم طب مين تانى عايز يفهم
فكلهم رفعوا ايدهم و قالوا احنا يا ميس
فقومت واحد غبى اسمه عمرو
و قولت له و انت كمان عايز تفهم يا عمرو
فقالى أه
عايز تفهم ايه
افهم اللى هايفهموه
طب اللى هو ايه
راح متنح و قاللى مش عارف ؟ اللى مكتوب ده
طب هو انت عارف اصلا انا هنا بادرس ايه
فضحك و قالى اه كمبيوتر
قلت اسم الله عليك طب و احنا السنه دى بندى ايه فى المنهج
فبرأ كده و ما نطقش
فقام واحد أذكى منه و قالى بندى ايه يا صباح الفجوله يا ميس
قلت له يسعد صباحك يا حبيبى و بصيت لعمرو و قلت له زى ما الحمار ده قال بالظبط
فقالى ماشى
قلت لهم يعنى كلكم عايزين تفهموا طب اسكتوا بقى
كلهم فى نفس واحد حاضر يا ميس
و لسه هابتدى انطق
راح قام واحد قالى انا بقى مش فاهم
مش فاهم ايه و انا لسه اتكلمت
يا سلام أصل انا كنت نايم فباحسبك شرحتى شويه
و قعدوا يضحكوا و رجعوا يتكلموا تانى
فقلت لهم يا صباح الاستهبال خلاص بقى مفيش درس
و انا قاعده لكم النهارده عشان تبقى حصة سوده عليكم
و طلع لى عيل رزل و اشقى خلق الله و قالى اروح الحمام يا ميس
بس فرصتى بقى عشان اذلهم و انتقم
ما فيش حمامات يا لا
و الله مش قادر اروح و النبى
لأ الحمام قفلوه خلاص
لو ما روحتش هاعملها على نفسى
لو راجل اعملها
و الله ما قادر أبوس ايدك
إوعى تعملها اوديك فى 60 داهيه

و الواد كان هايعيط فعلاً
قلت له عايز تروح يا كريم
أه و النبى يا ميس و حياه ابوكى
روحت زاغداه فى كتفه و قلت له مالكش دعوه بابويا يالا
حاضر بس اروح بقى
قلت له هات القلم
و روحت عند السبورة و رسمت شجرة
قالى ايه ده
قلت له هاوديك لما الشجرة دى تطرح تفاح
يا نهاراسود انتى بتهزرى يا ميس و الله هاموت
و ايه يعنى ما تموت ما انا كمان هاموت على التفاح و المرتب قليل و مش مكفى
يا ميس ابوس ايدك اروح الحمام
لأ
طب اعمل ايه
اروى الشجرة عشان تنبت
ارويها ازاى
و انا مالى شوف انت بقى
الواد لطم على وشه يا ميس و الله ما قادر
و انا صدرت العبيطة و قلت له انت سمعت شرطى
علشان تبقى تقعد تهزر كويس و انا باشرح
خلاص اخر مرة و الله ما هاهزر تانى ابوس ايدك
لالالالالالالالالالالالالالالالالا
خلاص انا هاروح ماشى
روحت مشاوره له يدخل جوا
راح رايح ناحية الباب
روحت رايحه واقفه عند الباب وفتحته
أروح بقى
روحت باصه له من فوق لتحت
حاول يطلع من الباب شنكلته اتكفى على وشه
و قومته من قفاه
و رميته جوا الفصل
فدخل الديسك بتاعه و هو بيبص لى بغل
بس على مين و لا همنى
راح قايم واد تانى يستهبل و يخف دمه
فبارزعه على كتفه و القلم بقدرة قادر رن على وشه
فروحت راجعه لورا
قالى ايه ده يا ميس
فبخوف كده قلت له ايه مش انا الميس بتاعتك حبيبتك عادى يعنى
ما هى الكتره تغلب الشجاعه يا اخوانا
قالى ماشى و برق لى
فرجعت لورا و ضحكت له و انا من جوايا باتنفض
و الحمد لله ربنا نجانى أصل الجرس ضرب و قلت يا فكيك

انتظرونى فى الحلقه القادمه ومرسى للردود الحلوه دى

ههههههههههههـ

والله دول يجننوا بلد مش مدرسه ربنا معاكى


انتظر الحلقه الجديده ياقمر

تسلم إيديكى ياعسل

ياقمر انتظر باقى الحلقات ياعسل

^_^

فينك safy

فين يومياتك ان شاء الله الطلاب مالعبوا عليك

هههههههههههههههههه

يلى مستنية تكملي يومياتك مع المشاغبين

ههههههـ
لا ياسمينه

ان شاء الله هتكون بخير وتكمل الحلقاات


يلا ياقمر

ننتظرك ياعسل

بالتوفيق ^_*

هههههههههه كده يا سمينه ماشى مقبوله منك

معلش يا جماعه اعذرونى بس انى مش بدخل علشان ظروف الدراسه

مرت الأيام عليا فى المدرسةأسود من بعضها و

الحمد لله لغاية ما جه يوم عيد الحب


طبعاً اليوم ده بيبقى احمر على الناس كلها

بس بصراحه حبايب قلبى خلوه يوم أسود من

السواد

اليوم ده يا اخواتى ابتدا من الطابور

أولها مدرسة الموسيقى اللى فاكره نفسها ليلى

مراد قعدت تنعر ( سورى تغنى ) و الحب ما لينا

غيره و الله ما لينا غيره

و العيال شكلها طالعه من الأحداث أصلاً

و دى عماله تديها لغاية ما جابت لى صداع

و كان هاين عليا أطبق فى زمارة رقبتها عشان

تخلص

لأ و كمان صاحب المدرسه منه لله قعد يدينا

محاضره فى الحب و حب زميلك و حب الطلبه

بتوعك و ياللاعاوز اشوف الحب


مش عارفه أوريله الحب ازاى


لأ و الأمر واحد زميلنا عامل زى درفة الدولاب

مسك المايك فى الاذاعة على الصبح كده و على

غيار الريق و الواحد لسه مفطرش و قعد

يمتعنا بصوته بيغنى بالدراع على فكرة مش

عشان صوته حلو و العيال لازم غصب عنهم

يصقفوا و على الله يقفش عيل ما بيصقفش يبقى

يوم اللى خلفوه اسود


المهم خلص الطابور على خير بدون وقوع

خسائر فى الأرواح


و انا و لله الحمد قدرت اتوازن بعد 2 كيتوفان و

طلعت الحصة


الحصة الأولى كانت فى فصل البنات

دخلت و بعد سلام عليكم و كل سنه و انتوا

طيبين طبعاً لقيت العيال هايمانين اوى و لاحظت

ان الغياب زياده شويه

فسألت على الغايبين دول

قالوا لى يا ميس عندهم النهارده راندفو

عندهم ايه يا اختى

راندفو يا ميس هو انتى معندكيش النهارده

اخرسى قطم رقبتك

اخرس ليه يا ميس

يا بت اخرسى خلينا فى الدرس

كلهم فى نفس واحد لأ النهارده مش عايزين

درس بقى خلينا فى المود الحلو اللى احنا فيه

مود حلو ايه يا بت انتى و هى طب و المنهج

اعمل فيه ايه

يا ميس كبرى بقى

اكبر ايه بقول فيه زفت منهج لازم نخلصه

مجتش من يوم بقى

فبصيت لهم و قولت لهم طب عايزين ايه يعنى

عايزين نقعد منعملش حاجه

طب خلاص ارغوا مع بعض بس بصوت واطى

و خلصت الحصة

و فى الفسحة كان عندى اشراف و طلعت عشان

انزل العيال الحوش

و ربنا ما يوريكم يا مؤمنين

زى ما اكون دخلت الاتوبيس المكيف

العيال كانوا عايزين البوكس ييجى يلمهم مش

مدرسين ينزلوهم

ادخل اجيب البنات من فصل الصبيان و اجيب

الصبيان من فصل البنات

و الهدايا كانت بتتوزع كده عينى عينك

و واقفه مع واد لقيت فى ايده هدية

بقوله ايه دى يا احمد

لقيت بنت جايه بتأنججه و الله العظيم

و بتقولى يرضيكى يا ميس ميجبش هديه

لخطيبته

قولت لها يجيب لك ايه يا حبيبتى

هديه يا ميس

فبقوله و هى بقى اللى جايبه لك الهديه

فقالى اه

قولت لها شكله بخيل يا بت و بيستقطعك و قمت

مزعقه لها و منزلاها الحوش

بالتفت ورايا لقيت بت واقفة مع واد فى فصل

بتديله هديه روحت رايحه لهم

قولت لها يا بت هو انا كل شويه اجيبك من فصل

و بتدى الهديه لمين المرة دى محمود طيب

فالواد زغر لها و قالى يا ميس بتجيبيها منين

قلت له لسه جايباها من 3/2 كانت مع أحمد عبد

الله بتديله هديه ( محصلش كنت بضحك عليه ههههههههههه)

انتى ايه جايبة عشر هدايا النهارده

فراح مبرأ لها و البت راحت مبرأه لى

و قالت له و الله ما حصل

قلت لها انتى بتكدبينى

فقالى يا ميس الكلام ده حصل

فمشيت و مردتش عليهم

و قعدت على كده لغايه الفسحة ما خلصت بزعق

فيهم و الم فيهم من هنا و هنا

و دخلت بعد كده الفصل التانى وكان بنات برضه

و لقيت نفس حالة الفصل التانى و الهدايا و كده

بس لقيت بنت ماسكه كشكول سلك شكله تحفة

و كل شويه تكتب فيه كلمه و تقطعة و تكتب و تقطع و تكتب و تقطع

فالفضول مسكنى روحت بابص على اللى بتكتبه لقيتها بتكتب مودى

قلت لها الله يخرب بيتك يا بعيده انتى بتبوظى كشكول بـ 15 جنيه عشان الواد الأومليت ده

أه يا ميس

يا بت ده ما يستاهلش

بحبه

حبك برص يا هبله

الله يا ميس

الله ياخدك يا بعيده يا بت اتنيلى على خيبتك ده واد شكله غلط

راحت بصت لى و قعدت تكتب و تقطع تانى

فقلت لها حرام عليكى فلوس ابوكى اللى بتضيعيها دى شيلى الكشكول و روحى قطعيه هو أوفر

و على أخر اليوم كان كل واد و بت نازلين شايلين هدايا

و انا لأ شوفتوا الفرسه

مرت الأيام عليا فى المدرسةأسود من بعضها و

الحمد للهلغاية ما جه يومعيد الحب


طبعاً اليوم ده بيبقى احمر على الناس كلها

بس بصراحه حبايب قلبى خلوه يوم أسود من

السواد

اليوم ده يا اخواتى ابتدا من الطابور

أولها مدرسة الموسيقى اللى فاكره نفسها ليلى

مراد قعدت تنعر ( سورى تغنى ) و الحب ما لينا

غيره و الله ما لينا غيره

و العيال شكلها طالعه من الأحداث أصلاً

و دى عماله تديها لغاية ما جابت لى صداع

و كان هاين عليا أطبق فى زمارة رقبتها عشان

تخلص

لأ و كمان صاحب المدرسه منه لله قعد يدينا

محاضره فى الحب و حب زميلك و حب الطلبه

بتوعك و ياللاعاوز اشوف الحب


مش عارفه أوريله الحب ازاى


لأ و الأمر واحد زميلنا عامل زى درفة الدولاب

مسك المايك فى الاذاعة على الصبح كده و على

غيار الريق و الواحد لسه مفطرش و قعد

يمتعنا بصوته بيغنى بالدراع على فكرة مش

عشان صوته حلو و العيال لازم غصب عنهم

يصقفوا و على الله يقفش عيل ما بيصقفش يبقى

يوم اللى خلفوه اسود


المهم خلص الطابور على خير بدون وقوع

خسائر فى الأرواح


و انا و لله الحمد قدرت اتوازن بعد 2 كيتوفان و

طلعت الحصة


الحصة الأولى كانت فى فصل البنات

دخلت و بعد سلام عليكم و كل سنه و انتوا

طيبين طبعاً لقيت العيال هايمانين اوى و لاحظت

ان الغياب زياده شويه

فسألت على الغايبين دول

قالوا لى يا ميس عندهم النهارده راندفو

عندهم ايه يا اختى

راندفو يا ميس هو انتى معندكيش النهارده

اخرسى قطم رقبتك

اخرس ليه يا ميس

يا بت اخرسى خلينا فى الدرس

كلهم فى نفس واحد لأ النهارده مش عايزين

درس بقى خلينا فى المود الحلو اللى احنا فيه

مود حلو ايه يا بت انتى و هى طب و المنهج

اعمل فيه ايه

يا ميس كبرى بقى

اكبر ايه بقول فيه زفت منهج لازم نخلصه

مجتش من يوم بقى

فبصيت لهم و قولت لهم طب عايزين ايه يعنى

عايزين نقعد منعملش حاجه

طب خلاص ارغوا مع بعض بس بصوت واطى

و خلصت الحصة

و فى الفسحة كان عندى اشراف و طلعت عشان

انزل العيال الحوش

و ربنا ما يوريكم يا مؤمنين

زى ما اكون دخلت الاتوبيس المكيف

العيال كانوا عايزين البوكس ييجى يلمهم مش

مدرسين ينزلوهم

ادخل اجيب البنات من فصل الصبيان و اجيب

الصبيان من فصل البنات

و الهدايا كانت بتتوزع كده عينى عينك

و واقفه مع واد لقيت فى ايده هدية

بقوله ايه دى يا احمد

لقيت بنت جايه بتأنججه و الله العظيم

و بتقولى يرضيكى يا ميس ميجبش هديه

لخطيبته

قولت لها يجيب لك ايه يا حبيبتى

هديه يا ميس

فبقوله و هى بقى اللى جايبه لك الهديه

فقالى اه

قولت لها شكله بخيل يا بت و بيستقطعك و قمت

مزعقه لها و منزلاها الحوش

بالتفت ورايا لقيت بت واقفة مع واد فى فصل

بتديله هديه روحت رايحه لهم

قولت لها يا بت هو انا كل شويه اجيبك من فصل

و بتدى الهديه لمين المرة دى محمود طيب

فالواد زغر لها و قالى يا ميس بتجيبيها منين

قلت له لسه جايباها من 3/2 كانت مع أحمد عبد

الله بتديله هديه ( محصلش كنت بضحك عليه ههههههههههه)

انتى ايه جايبة عشر هدايا النهارده

فراح مبرأ لها و البت راحت مبرأه لى

و قالت له و الله ما حصل

قلت لها انتى بتكدبينى

فقالى يا ميس الكلام ده حصل

فمشيت و مردتش عليهم

و قعدت على كده لغايه الفسحة ما خلصت بزعق

فيهم و الم فيهم من هنا و هنا

و دخلت بعد كده الفصل التانى وكان بنات برضه

و لقيت نفس حالة الفصل التانى و الهدايا و كده

بس لقيت بنت ماسكه كشكول سلك شكله تحفة

و كل شويه تكتب فيه كلمه و تقطعة و تكتب و تقطع و تكتب و تقطع

فالفضول مسكنى روحت بابص على اللى بتكتبه لقيتها بتكتب مودى

قلت لها الله يخرب بيتك يا بعيده انتى بتبوظى كشكول بـ 15 جنيه عشان الواد الأومليت ده

أه يا ميس

يا بت ده ما يستاهلش

بحبه

حبك برص يا هبله

الله يا ميس

الله ياخدك يا بعيده يا بت اتنيلى على خيبتك ده واد شكله غلط

راحت بصت لى و قعدت تكتب و تقطع تانى

فقلت لها حرام عليكى فلوس ابوكى اللى بتضيعيها دى شيلى الكشكول و روحى قطعيه هو أوفر

و على أخر اليوم كان كل واد و بت نازلين شايلين هدايا

و انا لأ شوفتوا الفرسه

مرسى لردك يا جميل
وانا كمان مقدرش طبعا استغنى هو انا اقدر

نورتى يا جميل

هههههههههههههههههههههههههههههههههه كدهـ هينى عينك


شكرا ياقمر ع الحلقه الروووووعه دى

الله لايحرمنا منك ابدا


انتظر جديدك

^_*

الحلقه السادسه


وخرجنا من عيد الحب ودخلنا فى اجازة عيد الاضحى
طبعا بعد اجازة عشر ايام رجعت المدرسه تانى
وقولت استعنا على الشقابـ لله
وكانت اول حصه عندى فصل 5/1وكان فصل اولاد
ولسه يا اخونا دخله الفصل ولقيت التشريفه من اولها
كل واحد طلعلى بسؤال
قاديتى العيد فين يا ميس ؟
واتفسحتى مع الموزة يا ميس؟
واساله كتير فاديرتلهم وقولتلهم بص يابنى انت وهوانا مش طايقه نفسى فكل واحد كدة كشكولو على الديسك وينجز فى ليلتو
قام رد واد زى الشحط كدة مبلاش يا ميس درس النهاردة
روحت رديت عليه وقولتو ليه يا يعيون الميس
قالى على شان احنا لسه خارجين من العيد واللحمه بقه انتى عارفه
روحت قايلولو اخرس واسمع الكلام من سوكات
ولسه يا اخونا بادير على شان اكتب التاريخ ودول زى ما يكون ركبهم عفريت وكل واحد مسك ودن التانى وقاعدو يرغو
فقولتلهم ياريت نلم نفسنا بلذوق راح ربنا هديهم وسكتو
ولسه بتلفت على شان اكتب الدرس ودول ولا كانى كلمتهم ورجعو يرغو تانى
فقولت اعمل فيها بقه مدرسه من بيتوع زمان وطخنت صوتى عليهم
وقولت مدام انتم مش ناوين تجيبوها للبر طب يلا زى الشاطر منك ليه وقوم هز طوللك واقف
وياريتنى ماقولت كدة نزلو عليا تريئه
وواحد يرد عليا ويقولى طب مانرفعللك الشنطة بلمرة يا ميس
وواحد تانى يقولى اجى اقعد على ركبى يا ميس
ومفصولوش
فضلت اهاتى يا بنى اسكت يابنى خلاص ودول مافيش واحد
يتكلم كلمة وعشرة يضحكو
واخر ما زهقت
قولتلهم طب اقعدو وحاسسونى انى بتعامل مع رجاله واسكتو
ولسه يا اخونا هبتدى اشرح
والقى واحد يرد ويقولى هو انتى هتدينا ايه النهاردة يا ميس ؟
قولتو طب ما تسكت وانت تعرف
قالى لا مانا لازم اعرف قبل ما تشرحى
قولتلو دة ليه يا ذكى
قالى على شان لو هتقولى درس انا عارفو انام احسنلى
قال يعنى هو لو فضل صاحى هيفهم
فقولتلو لا يا حبيبى نام احسنللك انت كدة هتستفاد اكتر
واخير سكتو وشرحت الدرس بسلام
منغير ما موتلى خمسه ستة من العيال الى قاعدين اودامى دول


واخيرا جرس الحصه رن

النهاردة بقه كان يوم حلو اوى كان كله ضحك

(طبعا دى حاجة غريبه فى المدرسه الفقريه الى انا فيها)



النهاردة انا كان عندى اشراف وكان الدور كله ماشى حلو والمدرسين فى الفصول وبيشرحو (لاكن يا فرحة ماتمت)

الفصل الوحيد الى كان مفيهوش ولا اى مدرس المفروض يعنى انى ادخل ليهم اى مدرس احتياطى او حتى اقف عليهم واسكتهم

لاكن لحظى الفقرى ماكانش فيه ولا مدرس راضى انه يدخلهم فانا استغربت اوى وقولت فى بالى هى العيال بتعض المدرسين ولا ايه

فقولت اسال مدرسه صاحبتى عن السبب (من باب الفضول يعنى)

والغريب انى لما سالت قالتلى حاجة غريبه اوى ان البنات الى فيه فى قمة الشقاوة والمشاغبه بما انهم 3 اعدادى فتلاقيهم شايفين نفسهم اوى وماحدش هاممهم

وان صعب ان حد يتعامل معاهم فكل مدرس يدخلهم بيهرب ومش بيرضى يجيلهم تانى



طبعا انا بقه ماسكنى الفضول وهموت واعرف العيال دول بيعملو كدة ليه وبيعملو ايه فى المدرسين على شان يكرهوهم فى الفصل للدرجة دى

روحت رايحة للمديرة قولت مبدهاش بقه

دخلت اوضه المديره وقولتلها انا عايزة ادى فصل 3/3

لقيت المديره استغربت وبصت ليا بصه غريبه اوى ورفعت ليا حاجبها وقالتلى انتى واثقه من كلامك

قولتلها اة

قالتلى يابنتى فكرى

ياستى فكرت وعايزة ادى الفصل دة

تعرفى ان دى اول مرة مدرس يطلب منى انه يدى فصل المعاتيه دول دة كله بيهرب منه

قولتلها يعنى هجرب حظى يمكن اقدر اعدلهم

(يوضع سره فى اضعف خلقو)

ردت عليا وقالتلى بس انتى هتكتبيلى اقرار على نفسك

وهى بتضحك ضحكة غريبه اوى

روحت بصيت لها وضحكت

(وانا مرعوبه من جوايا وخايفه للعيال دول يعملو حاجة فيا بجد)

بس فى نفس الوقت كان عندى تفائل وعايزة ادخل التجربه

وفعلا طلعت الفصل ويااااااااارتنى ماطلعت





وخلصت الحلقه على كدة استنونى الحلقه الجايه