يمه خذيني وامسحي عني ادموع
وارثي لحالي والرثا صار حالي !
يمه وانا كلي على بعضي اضلوع
وكل ضلعن بسمج ايكون غالي
يمه حنانج فاقده لي من اسبوع
تمر بي الايام وانتي فبالي
ياكم مره ارجع البيت مصدوع
واصيح يايمه ولااحدن سعالي
يمه غيابج صار ماليوم ممنوع
رجلي على رجلج وش اللي بقالي
يوم اتصلبج كنه الخط مقطوع
ياظل تفكيري وكل انشغالي
من رحتي بس قاعد افكر بمشروع
واشلون بستقبلج اخطط لحالي
سويتلج بستان في القلب مزروع
تفضلي يمه بسرعه تعالي
ياصوتج اللي صار في القلب مسموع !
والعقل ما استوعب وش اللي جرالي ؟ ؟ !
عطشان قلبي بس في عيني الجوع ؟
يالهفتي يمه لحضنن دفالي
اطفي الانوار واشعلي اشموع ؟
ودي اغمض وارسمج في خيالي
في كل انحائي لج امعزه وافروع
يامن حملتيني شهور وليالي
مهما كبرت وصار اسمي على ادروع
من تحت اقدامج أنا فوق عالي
إليا وصلتي امسحي عني ادموع ابغا الر\ود
شوفي اللذي قد صار وارثي لحالي
