منتديات الاميرة
اهلا وسهلا بك معنا فى منتدى الاميره انتى معنا الاميرهـ لانريدك زائرهـ سجلى شاركى امرحى والعبى معناا فقط يلا سجلى الان
كل الى بتحلمى بيه معانا هتلاقيه



منتديات الاميرة

`·.·• ( مرحباً بكي يا زائر في اروع وارقى المنتديات للفتيات فقط) •·.·°¯`
 
الرئيسيةالبوابةاليوميةمكتبة الصورس .و .جبحـثالتسجيلقائمة الاعضاءالمجموعاتدخول

شاطر | 
 

 حوار حفيده مع جدتها سنه 2080

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
safy
عضوهـ نشيطة
عضوهـ نشيطة


انثى
عدد الرسائل : 61
العمر : 23
الوظيفة : طالبه
هوايتك : كتابه قصص كوميديه
♥ مــزاجي ♥ :
علم دولتك :
نقاط : 90
تم شكرها : 2
تاريخ التسجيل : 26/11/2009

مُساهمةموضوع: حوار حفيده مع جدتها سنه 2080   الإثنين ديسمبر 14, 2009 11:32 am

المكان : أحياء القاهرة

الزمان : يوم من أيام صيف عام 2085


حفيدة في سن المراهقة (12 سنة) تجلس مع
جدتها
(70 سنة)
ويدور بينهما هذا الحوار


___________________

الحفيدة : تيته ميرو إزيك..بقى لي زمان ما
قعدتش معاكي


الجدة : وهو أنا عارفة أتلم عليكي خالص.. ده
أنا قاعدة زهقانة قوي ومش لاقية حاجة تسليني


الحفيدة : ومابتفتحيش الدش ليه يا تيته


الجدة : التليفزيون بقى ممل خالص مافيهوش غير
سبعتلاف وخمسميت محطة بس!.وأنا كمان ما
بعرفش أغير المحطات


الحفيدة : وإيه الحلاوة دي؟ حلو البادي اللي انتي
لابساه ده..بس ده موضة قديمة قوي ياتيته


الجدة : يا بنتي أنا ست دقة قديمة وبالبس زي ما
جيلنا الصاعد اتعود وحسب التقاليد القديمة بتاعتنا


الحفيدة : أيوه بس مش حاسة إنك مخنوقة وانتي
لابساه؟


الجدة : أبداً ده هو ده اللبس المحتشم اللي
مفروض الكل يلبسه ويحافظ عليه..فين أيام زمان
لما كنا نلبس البادي اللي مبين البطن والظهر
بس، مع البنطلون السترتش الجلد …كانت حاجة
آخر روشنة


الحفيدة : ياه يا تيته.. ده انتوا كان ليكم تقاليد
غريبة خالص


الجدة : وهو انتي فاكرة إن أيامكم دي أيام؟
يا بنتي أيامكم دي ما يعلم بيها إلا ربنا .. فين أيام
سنة 2007 هي الواحدة فينا كانت تستجري
تشرب سيجارة البانجو ولا تسحب لها سطر بودرة
قدام أبوها؟
طب ده الدنيا كانت تتقلب ساعتها وما تتعدلش ..
أمال إيه .. كان فيه حاجة اسمها أخلاق


الحفيدة : معقول يا تيته؟ للدرجة الفظيعة دي!!؟


الجدة : أمال انتي فاكرة إيه .. وبعدين كانت الست
من دول ما تلبسش اللبس الخليع بتاع اليومين
دول..يعني الجيبة كان ما يقلش طولها عن شبر
ربع .. وكانوا الستات يلبسوا فوقيها بلوزة
باستمرار ..مش زي دلوقتي! حسبي الله نعم
الوكيل


الحفيدة : يا خبر .. وإيه كمان ياتيته


الجدة : ح أقول لك إيه ولا إيه يعني خدي عندك
مثلاً

زمان كنا نسمع الطرب الأصيل لمطربين
حقيقيين :مصطفى قمر وعمرو دياب وطبعاً كانت
سيدة الغناء شاكيرا، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية الراسية اللي تعمر النافوخ بصحيح كانوا
مطربين روشين وآخر طحن، حسبي الله ونعم
الوكيل


الحفيدة : وبعدين ياتيته؟


الجدة : وبعدين كنا نسمع على حاجة اسمها
اسطوانات ليزر،ودي صحيح انقرضت، بس كان
ليها طعم عن دلوقتي، يا سلام لما كنا نحطها في
الووكمان ونعلقها في حزام البنطلون كده
ونمشي في الشارع كده، كانت أيام
جميلة.حسبي الله ونعم الوكيل


الحفيدة : حكاويكى ممتعة قوي يا تيته .. ثانية
واحدة بس لما أصحي سمسم صاحبي فى
المدرسة لأنه بايت معايا في الأودة من
امبارح .أصل الإنسان الآلي بتاع
الصحيان بايظ ولازم نصلحه النهاردة


الجدة : طيب ياحبيبتي روحي


(بعد عدة دقائق)


الحفيدة : هيه يا تيته.. وبعدين؟

الجدة : أحلى أيام بقى كانت أيام الدراسة، الفصل
كان على أيامنا رايق وعدد التلاميذ فيه ما يزيدش
عن ستين سبعين تلميذة، وكنا ساعتها بنعرف
نفهم الدرس كويس مش زى دلوقتي وكانت
الشوارع أيامها فاضية يعني كانت إشارة المرور
تقعد ساعة إلا ربع بس لأن مصر كلها كان تعدادها 70
مليون مش أكثر، تخيلي بقى الروقان اللي كنا
فيه؟ حسبي الله ونعم الوكيل


الحفيدة : 70 مليون بس؟


الجدة : أمال إيه .. عشان كده كانت كل حاجة
رخيصة ، يعني مثلاً كيلو اللحمة يوم ما يضربه
الدم كان يبقى بخمسة وثلاثين جنيه أو اربعين
جنيه، وكان أتخن جوز جزمة بـ 350 جنيه، وكان
الواحد يقدر يشتري شقة تمليك بـ250 ألف جنيه
بس..
وكان الدولار بخمسة خمسة جنيه وسبعين قرش بس
.. تخيلي
بقى؟


الحفيدة : ما هو علشان كده الجواز على أيامكم
كان سهل خالص، إحنا بقى خلصنا من العُقد دي


الجدة : أُمال إيه .. ده احنا الواحدة مننا كانت
بمجرد ما توصل سن 17 سنة تبتدي تفكر في
الجواز العرفى على طول، وما كانش عندنا الأفكار
الغريبة اللي بتعملوها دلوقتي، أنا شخصياً شايفة
إن ده أوفر شوية، ده احنا يا بنتي على أيامنا كان
لا يمكن البنت تتأخر بره البيت عن الساعة أربعة
الصبح، طب ده باباها كان ممكن ساعتها يخاصمها


الحفيدة : ياي! ده انتوا كنتوا متزمتين خالص ياتيته

الجدة : يا بنتي إحنا اتربينا على الأخلاق والفضيلة
والعادات والتقاليد . يعنى كان أهل الفن
محتشمين جداً وكانوا دايماً يطلعوا بالمايوهات
البيكيني، والمذيعات كانوا يقعدوا جنب الضيف
مش على ركبته زي دلوقتي

هيـ يـ يـ يـ ـه الله يرحم دي أيام.. فكرتيني بالذي
مضى حسبي الله ونعم الوكيل


(تمسك الجدة بتليفون محمول في حجم علبة الكبريت)


الحفيدة : ح تكلمي مين يا تيته؟


الجدة : الحقيقة أنا كنت موصية الجزار على اتنين
كيلو لحمة و اديته 600 دولار عربون وعايزة أطلبه
أشوف إذا كانت اللحمة وصلت ولا لأ


الحفيدة : (تنهض من مكانها) تشاو سي يو تيته


الجدة : سي يو


وبعد مرور عدة ساعات انتابت الجدة خلالها غيبوبة
بسبب الشيخوخة و في المساء دار هذا الحوار


الجدة : إنتي كنتي فين يا فتفت؟


الحفيدة : أصل إحنا أخدنا الولد من الحضانة


الجدة : ولد !! ولد إيه اللي أخدتوه من الحضانة؟


الحفيدة : آه صحيح أنا نسيت أقول لك .. أصل أنا
جبت ولد من سمسم صاحبي


الجدة : يا بنتي مستعجلين على إيه مش لما
تتجوزوا ؟ حسبي الله ونعم الوكيل


الحفيدة : يا سلام عليكي يا تيته.. إنتي عليك
تحكيمات غريبة..طيب إيه اللي يمنع نخلف من غير
جواز ؟ أنا شخصياً عملتها ونفعت

الجدة : مشكلتي إني ما باعرفش أزعل منك يا
فتفت ياعكروتة ..وسميتوا المحروس إيه بقى


الحفيدة : سميناه : دوت كوم


الجدة : نعم .. دوت كوم؟ نظام هاي تك بقى؟
يعني لما تعوزي تنادي له تدوسي (إنتر) ولا إيه
بالضبط ؟


الحفيدة : ها ها ها ها .. إيه الخفة دي يا تيته
والله فكرة .. لما أعوز أنده له أدوس إنتر .. ولما
أحب أقول له روح أودتك أدوس ( الت + اف4 )





الجدة : وأخدتوه من الحضانة وديتوه فين بقى؟


الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟


الحفيدة : أيوه .. ده نادي جميل معمول برعاية
كبار رجال الأعمال . وتحت رعاية وزارة الزراعة
وده بيعلم الأطفال حاجات ظريفة خالص
ومصاريفه رخيصة جداً وبعدين الولد الكويس
ممكن يبعتوه يكمل تعليمه في إسرائيل على
نفقة وزارة الزراعة أصل
(ميدو يوسف والي)
وزير الزراعة ده راجل متفتح قوي
هه..أفتح لك التليفزيون يا تيته عشان تشوفي
نشرة الأخبار؟

الحفيدة تضغط الريموت كنترول لنرى شاشة كبيرة
بطول وعرض حائط الغرفة، وتظهر صوت مذيعة
مصحوباً بلقطات للأنباء تقول


المذيعة : هاي شلة ! إليكم عناوين الأخبار

أمريكا ترصد 25 مليار دولار لرأس تامر بن محمد
بن أسامة بن لادن المتهم الأول في تفجير قصر
السفير الأمريكي في أفغانستان


واشنطن تتهم ليبيا بتفجير سفينة فضاء فوق
كوكب المريخ



وزير الاقتصاد د. فريد يوسف بطرس غالي يصرّح

إعدام الفقراء هو الحل لخروجنا من عنق الزجاجة


موافقة مجلس الشعب أخيرا على خصخصة
معبد الكرنك


أخبار عربية


زهوة ياسر عرفات تطالب بانسحاب إسرائيل
حتى حدود عام 2030، وإعلان الدولة الفلسطينية
في مايو المقبل


إسرائيل ترفض الإنسحاب من البصرة إلا بعد
ضمان أمن مستوطناتها في بغداد


اشتباكات على الحدود الإسرائيلية المغربية


أخبار الفن


زفاف المطربة الشحروروة صباح على حفيد الفنان الراحل
راغب علامة


رئيسة قطاع الإنتاج لم يستقر بعد على بطلة
فوازير رمضان ويعقد إجتماع مع السيدة توتي
محمد صفوت الشريف وزيرة الإعلام الجديدة
لمناقشة هذه القضية


الفنان محمد هنيدي يهاجم نجوم الكوميديا الجدد


المذيعة : فينيش باي


الجدة : لأ بقى حسبي الله ونعم الوكيل فيكم فعلا

(يغمى عليها)


الحفيدة : تيته..تيته
إيه دا ؟.. دي ماتت ..بالا نيله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ياسمينة
♥نائبة الاداره♥
♥نائبة الاداره♥


انثى
عدد الرسائل : 3191
العمر : 17
الوظيفة : طالبة
هوايتك : قراءة الروايات
العمل الترفيهى : الدردشة
♥ مــزاجي ♥ :
علم دولتك :
نقاط : 3364
تم شكرها : 20
تاريخ التسجيل : 17/10/2009

مُساهمةموضوع: رد: حوار حفيده مع جدتها سنه 2080   الثلاثاء ديسمبر 15, 2009 4:48 am

هههههههههههههههه

والله بالفعل ايام زمان وين واليوم وين

فرق كبير بالفعل

كان الناس بسطاء واليوم الله يستر

الله يرحم الجدة

هههههههههههههههههه

مشكورة حبيبتي على الحوار الرائع














الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aya-mimi.mam9.com/index.htm?sid=eaad996f7a9c93a4196c9b747
safy
عضوهـ نشيطة
عضوهـ نشيطة


انثى
عدد الرسائل : 61
العمر : 23
الوظيفة : طالبه
هوايتك : كتابه قصص كوميديه
♥ مــزاجي ♥ :
علم دولتك :
نقاط : 90
تم شكرها : 2
تاريخ التسجيل : 26/11/2009

مُساهمةموضوع: رد: حوار حفيده مع جدتها سنه 2080   الثلاثاء ديسمبر 15, 2009 4:07 pm

ههههههههههه مرسى جدا ونورتينى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*الاميرة*
♥ادارة المنتدى♥
♥ادارة المنتدى♥


انثى
عدد الرسائل : 8874
العمر : 21
الوظيفة : اداره منتديات الاميرهـ
هوايتك : اقضى كل الاوقات مع اميرات المنتدى
العمل الترفيهى : فى مملكتى (منتديات الاميره)
♥ مــزاجي ♥ :
علم دولتك :
نقاط : 7548
تم شكرها : 87
تاريخ التسجيل : 08/09/2007

مُساهمةموضوع: رد: حوار حفيده مع جدتها سنه 2080   الخميس ديسمبر 17, 2009 2:18 pm

هههههههههههههـ

بجد والله موضوع جآآآآآآآمد

تسلمي ياقمر

الله لايحرمنا منك ولا من مواضيعك الرووووووووعهـ











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aya-mimi.mam9.com
safy
عضوهـ نشيطة
عضوهـ نشيطة


انثى
عدد الرسائل : 61
العمر : 23
الوظيفة : طالبه
هوايتك : كتابه قصص كوميديه
♥ مــزاجي ♥ :
علم دولتك :
نقاط : 90
تم شكرها : 2
تاريخ التسجيل : 26/11/2009

مُساهمةموضوع: رد: حوار حفيده مع جدتها سنه 2080   الجمعة ديسمبر 18, 2009 2:47 pm

مرسى يا اميره وياريت تنورينى على طول ومتقطعيش بينا كده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رنومي
الاعضاء
الاعضاء


انثى
عدد الرسائل : 10
الوظيفة : طالبة
العمل الترفيهى : الازعاج
♥ مــزاجي ♥ :
علم دولتك :
نقاط : 14
تم شكرها : 2
تاريخ التسجيل : 31/12/2009

مُساهمةموضوع: رد: حوار حفيده مع جدتها سنه 2080   الإثنين يناير 11, 2010 9:45 am

مشكورة ياقلبي ع المضوع الحلو متلك


Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سفيرة الاحزان
Ooمشرفه قسم الصور العامة oO
Ooمشرفه قسم الصور العامة oO


انثى
عدد الرسائل : 1675
العمر : 24
الوظيفة : طالبة
هوايتك : الرسم..
العمل الترفيهى : مشرفه في المنتدى
♥ مــزاجي ♥ :
علم دولتك :
نقاط : 1760
تم شكرها : 9
تاريخ التسجيل : 01/07/2009

مُساهمةموضوع: رد: حوار حفيده مع جدتها سنه 2080   الثلاثاء يناير 12, 2010 4:18 am

هههههههههههههههـ روووعهـ بس مليت من القراءه طوييل بس حلوو مووت مييرسي يا البي





[/list]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noga
♥نائبة الاداره♥
♥نائبة الاداره♥


انثى
عدد الرسائل : 3858
الوظيفة : بشتغل طالبة فى المدرسة (اتعلم واحفظ واذاكر وفى الاخر بأمتحن وخلاص)
هوايتك : منتدى الاميرة
العمل الترفيهى : ادخل منتدى الاميرة
♥ مــزاجي ♥ :
علم دولتك :
نقاط : 4145
تم شكرها : 15
تاريخ التسجيل : 15/08/2009

مُساهمةموضوع: رد: حوار حفيده مع جدتها سنه 2080   الأربعاء يناير 13, 2010 6:54 am

هههههههههههههههههههههه

بجد رووووووووووووووووووعهـ واستمتعت بيها جداااااااااااااااااااااااااااااااا

شكراااا safy Smile Smile


يابــــــــــــــــلادى يابــــــــــــــــلادى انا بحبك يا بلادى

قولوا لأمى متزعليش وحياتى عندك متعيطيش

قولولها معلش يا امى اموت اموت وبلادنا تعيش

امانه تبوسولى ايديها وتسلمولى على بلادى


يابــــــــــــــــلادى يابــــــــــــــــلادى انا بحبك يا بلادى

فى جسمى نار ورصاص وحديد علمك فى ايدى واسمى شهيد

بودع الدنيا وشايفك يا مصر حلوه ولبسه جديد

لأخر نفس فيا بنادى باموت وانا بحب بلادى


يابــــــــــــــــلادى يابــــــــــــــــلادى انا بحبك يا بلادى

طايرين ملايكة حواليا طير لحظة فراقك يا حبيبتى غير

همشى معاهم وهسيبك واشوف يا مصر وشك بخير

قالولى يلا عالجنه قولتلهم الجنة بلادى


يابــــــــــــــــلادى يابــــــــــــــــلادى انا بحبك يا بلادى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دلع بنوتة
♥نائبة الاداره♥
♥نائبة الاداره♥


انثى
عدد الرسائل : 7749
العمر : 16
الوظيفة : طالبة
هوايتك : ركوب الخيل و الرسم والقراءة
العمل الترفيهى : اكتب بالمنتدى
♥ مــزاجي ♥ :
علم دولتك :
نقاط : 8542
تم شكرها : 71
تاريخ التسجيل : 22/06/2010

مُساهمةموضوع: رد: حوار حفيده مع جدتها سنه 2080   الخميس يوليو 29, 2010 12:54 am

هههههههههههههههههههه



شكرا رائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: حوار حفيده مع جدتها سنه 2080   الثلاثاء سبتمبر 07, 2010 12:03 pm

تسلمي ياقمر

الله لايحرمنا منك ولا من مواضيعك الرووووووووعهـ
الرجوع الى أعلى الصفحة اذهب الى الأسفل
دلع بنوتة
♥نائبة الاداره♥
♥نائبة الاداره♥


انثى
عدد الرسائل : 7749
العمر : 16
الوظيفة : طالبة
هوايتك : ركوب الخيل و الرسم والقراءة
العمل الترفيهى : اكتب بالمنتدى
♥ مــزاجي ♥ :
علم دولتك :
نقاط : 8542
تم شكرها : 71
تاريخ التسجيل : 22/06/2010

مُساهمةموضوع: رد: حوار حفيده مع جدتها سنه 2080   الأحد سبتمبر 19, 2010 11:32 am


شكرا


ههههههههههههههه


رااااااااااااااائع


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملـآڪ آلرۆح.
♥ادارة المنتدى♥
♥ادارة المنتدى♥


انثى
عدد الرسائل : 9359
العمر : 17
الوظيفة : مشرفهـ على قسمـ الآناقة والموضهـ
هوايتك : الحـآسب
العمل الترفيهى : كتآبةة الموآضيع
♥ مــزاجي ♥ :
علم دولتك :
نقاط : 10574
تم شكرها : 151
تاريخ التسجيل : 14/09/2010

مُساهمةموضوع: رد: حوار حفيده مع جدتها سنه 2080   الخميس أكتوبر 21, 2010 2:21 am

هههههههههههههههههههههههه
الله لايرحمنا منك ولا من مواضيعك


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حوار حفيده مع جدتها سنه 2080
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» شوفو شكل القوقل عام2080

صلاحيات هذا المنتدى:لاتستطيع الرد على المواضيع في هذا المنتدى
منتديات الاميرة :: هذا القسم لحرية الاعضاء :: ؛°`°؛¤ّ·.· ¦‡مساحة حرة‡¦·.· ّ¤؛°`°؛¤ّ·.·-
انتقل الى: